京香閣 (已結業)

有时两个人拍拖选择食咩都好多限制，两个嗌野食又嗌唔到好多，去大牌档食野嗌两个𩠌又食唔晒，所以中菜港式我地一般都排到最后。点知又俾我地揾到间京川菜既放题，选择多达几十款，而且价钱亲民，即刻book位同女朋友去试下。入到餐厅地方都好大，有方枱，大圆枱，仲间左房俾一大班人既聚，一坐低店员好快就问我地饮咩茶，拣边个组合。我地拣左芝士焗加拿大龙虾同埋避风塘炒巨型大虎虾，配埋虫草花胶炖鸡汤，每碗汤入面有两片花胶同虫草，真材实料，鲜甜又补身。依间京川菜放题其中一个卖点系片皮鸭都任食，平时出街食饭两个人叫半只都食唔晒，依到就食几到拎几多，为左保持食物质素，片皮鸭系有专人即叫即切，咁既价钱食到依d质素绝对系超值！仲有值得抵赞既地方，依到既点心亦到系即叫最蒸，仲可以一件一件咁点，唔怕食唔晒，试晒咁多样，猪肉小笼包系必食之选，热辣辣又皮薄又充满肉汁，食到lam lam 痢😋😋仲有好多热盘冷盘饮品几十款既选择供食客自取，食几多拎几多唔洗浪费，个人就最钟意酸菜鱼，鱼肉嫩滑配埋酸菜可以去掉油腻感，口水鸡既麻辣味又做得唔错，鸡又唔会干争争，仲有其他既蔬菜类都好新鲜。最后配埋酒酿丸子同埋唔太甜又健康既竹席茅根水成餐饭