影片
更多
2018-08-10
5555 浏览
同朋友到离岛郊游, 行山、踩单车, 运动完一番, 今晚一于拆餐劲！呢间位于佐敦嘅火锅店, 主打海鲜同靓牛, 按时段收费, 晚市7点半前 或 9点半后就最抵食。不过留意返！星期五、六、日每位要另加$10喔。想食海鲜, 但牛板腱又好似好吸引, 点拣好？好似我地咁拣Set B, 牛板腱任食, 配个海鲜锅, 再追加任食海鲜, 就满足晒啦。火锅店必不能缺嘅调味吧, 选择超多, 野菌黑松露、 蚬肉芥末酱、玛莉安酱等都比较少见。冧酒火焰加勒比海鲜汤汤底内有5款海鲜, 加上虾汤同蕃茄味酱料, 鲜味提升。薄切牛板腱, 肉色鲜艳, 肉质及脂肪比例平均, 牛味够浓, 一份4片, 唔够再点, 唔怕浪费。我地仲追加咗帆立贝任食, $48/位。帆立贝上台时, 唔食得嘅部份基本已经切走, 未清晒嘅, 落锅前就要自行清除啦。渌几分钟贝肉呈现实色就食得, over咗就会变韧㗎啦。牛板腱同帆立贝以外, 仲有多款自助同自选项目。鲩鱼片新鲜弹牙, 鲩鱼腩肉厚爽脆。墨鱼仔落锅后好易揾唔返, 渌太耐会大缩水....放落筛渌一阵就食, 先可以保持嫩滑。蔬菜选择多, 其中生菜特别新鲜爽口。甜品有糖水、糕点同乳酪雪糕。雪糕toppi
呢间位于佐敦嘅火锅店, 主打海鲜同靓牛, 按时段收费, 晚市7点半前 或 9点半后就最抵食。不过留意返！星期五、六、日每位要另加$10喔。
想食海鲜, 但牛板腱又好似好吸引, 点拣好？好似我地咁拣Set B, 牛板腱任食, 配个海鲜锅, 再追加任食海鲜, 就满足晒啦。
火锅店必不能缺嘅调味吧, 选择超多, 野菌黑松露、 蚬肉芥末酱、玛莉安酱等都比较少见。
冧酒火焰加勒比海鲜汤
汤底内有5款海鲜, 加上虾汤同蕃茄味酱料, 鲜味提升。
薄切牛板腱, 肉色鲜艳, 肉质及脂肪比例平均, 牛味够浓, 一份4片, 唔够再点, 唔怕浪费。
我地仲追加咗帆立贝任食, $48/位。帆立贝上台时, 唔食得嘅部份基本已经切走, 未清晒嘅, 落锅前就要自行清除啦。渌几分钟贝肉呈现实色就食得, over咗就会变韧㗎啦。
牛板腱同帆立贝以外, 仲有多款自助同自选项目。
鲩鱼片新鲜弹牙, 鲩鱼腩肉厚爽脆。
墨鱼仔落锅后好易揾唔返, 渌太耐会大缩水....放落筛渌一阵就食, 先可以保持嫩滑。
蔬菜选择多, 其中生菜特别新鲜爽口。
甜品有糖水、糕点同乳酪雪糕。雪糕toppings 之中, 竟然有我最钟意嘅玄米粒粒！硬脆焦香嘅玄米粒, 香口美味, 想加几多都得, 绝对不能错过呀！
张贴
