南洋 (已結業)

自创菜式嘅南洋菜餐厅，装修企理，款式都几多。环境店舖一望落去就觉得好干净企理，用浅蓝色做主调，好光猛，环境几好。餐牌除左传统南洋菜式，都有啲系餐厅自家创菜式。 金沙骨肉骨茶 $58 常见肉骨茶有2款：新加坡及马来西亚 ，前者重胡椒味、后者药材味浓。呢到嘅系后者，呷入口药材味浓但不至难入口，饮完好舒服。 芒果软壳蟹米纸卷 $68好大份，米纸做到好薄，口感更好，唔会浆住个口，芒果更多就好啦！ 南洋波士顿龙虾喇沙掺掺 $108原只波士顿龙虾，油面加米粉，汤底都重椰汁香，一个人食嘅话可能会太多，2个人share再食其他野就啱。 牛油果沙冰 $40必点之一，饮落系好天然嘅牛油果，无咩加糖水果d。 红豆椰汁冰 $28 呢杯都好饮，椰汁味突出，加埋红豆有咬口。总括而言，佐敦不嬲都系美食集中地之一，而系吴松街亦有好多选择，下次不妨到呢到试下，坐得舒服，款式亦多。