漁正居酒屋

营业中

休息中

居酒屋系同朋友饮酒聚脚既好地方，今次就揾到呢间位于佐敦既性价比之选渔正😍店内装修以木系传统居酒屋风味为主，餐牌上由刺身寿司到串烧、一品料理等一应俱全，选择繁多而且价钱合理！🔸酒盗芝士、吉列鸡丸子、盐烧鸡皮饺子酒盗系腌制过既鱼内脏，本身偏重咸味加上芝士就成为呢道日本传统佐酒小食。吉列鸡丸子系轻炸过既免治鸡肉，内里保持juicy肉汁；盐烧鸡皮饺子就以烧得脆卜卜既鸡皮代替传统饺子皮，口感独特又惹味🤤🔸串烧：鸡冠、鸡肝、荔枝豚肉鸡冠比较少餐厅有得食，钟意佢烟韧口感又唔会有腥味。鸡肝同荔枝豚肉都有正常发挥，配上两枝辛口日本酒系完美配搭🍶🔸自家制厚烧玉子厚烧玉子睇落简单，但每间餐厅同家庭都有唔同食谱同调味！渔正既厚烧玉子除了高汤咸香仲有微微甜度，味道平衡得宜，口感仲好幼滑🤤🔸左口鱼裙边寿司、鳗鱼小卷左口鱼裙边油分较重，入口油香满溢，基本上每次食寿司都系必点🥰鳗鱼小卷就比较易入口，鳗鱼调味香口，好快就食哂成碟！