一龍蝦兩餸王

营业中

休息中

间唔中都会去双𩠌饭店买几个𩠌返屋企加𩠌。呢间之前未食过，因为见到个柜摆咗劲多款唔同𩠌，又望落好吸引，所以就试吓佢。海鲜有白鳝、䲝鱼、炸鱼仔、虾等肉有鸡髀、蒸鸡、糖醋骨、咕噜肉、椒盐猪扒、炸鸡翼、辣子鸡等菜有炒四季豆、苦瓜炒蛋、炒白菜菜心、西兰花、炒薯仔丝、油麦菜等最后拣咗糖醋骨、辣子鸡、炒四季豆、蒸白鳝、苦瓜炒蛋、椒盐猪扒。糖醋骨 - 甜同醋味都好够，一口size，都可以啖啖肉。辣子鸡- 味道香辣，好啱𩠌饭。炒四季豆-四季豆同埋肉碎，仲好似加左橄榄菜一齐炒，炒得好香口，食既时候个口感仲keep 到好爽脆。蒸白鳝 -白鳝系厚切，鱼肉弹牙，食得出系新鲜鱼👍加左啲豆豉同葱花调味。椒盐猪扒-有大概7-8块，望落好吸引，猪扒腌得好味，啖啖肉。苦瓜炒蛋- 听到前面有人叫，跟住黎叫🤭除咗苦瓜同蛋入面仲有啲木耳同瘦肉，食落好香蛋味又有啲肉既甜味，苦瓜同木耳都系爽脆，口感丰富。超啱送饭，必食之一。所有𩠌都冇过多调味，好有屋企味道。餐厅老板都好友善，见到我选择困难都耐心介绍，同D熟客有倾有讲。门口望到个良心企业证书，值得欣赏。