小印度餐廳

营业中

休息中

上个星期去咗油尖旺行街，咁啱见到地舖有间印度餐厅，叫小印度餐厅，好似几得意咁，就入咗去试。店员都几热情，因为我哋简单介绍吓唔同嘅菜式，有啲咩唔同嘅特点，例如马沙拉，就系加咗乳酪嘅咖喱，好似几有趣咁，所以我哋就叫咗个豆嘅马沙拉食。入口其实都唔太似咖喱，似系调咗未啊豆蓉，不过仲未配搭佢个薯仔千层饼，个口感好调和，虽然全部野都软林林，但系会食得出有层次嘅唔同。好难喺第二啲地方食到呢种感觉！至于羊肉咖喱相对就冇咁特别，羊肉炆得好琳，有充足嘅香料味，不过就冇咁惊艳。我哋另外仲叫咗个牛油薄饼，系即叫即整，所以都几香口。最后我哋仲叫咗杯甜嘅乳酪饮，你仲有少少似出边买到嘅酸奶，不过甜味就比较重，中和咖哩嘅辣。我觉得即叫即整呢点，比市面上大部份嘅餐厅都要好，所以绝对推介大家过嚟试吓。