尚鮮海鮮料理

营业中

休息中

位于佐敦吴松街嘅尚鲜海鲜料理，系间隐世火锅小店。有多款特色汤底选择，有养生，鸡煲，什菌，辣汤等。我哋叫左双拼锅底，鲜茄杂菜汤拼姬松茸冬瓜汤。平时打边炉成日都会拣麻辣或者沙爹，食完感觉会好热气，但首先鲜茄沙底食落好清爽，蔬菜嘅甜味出哂系汤底到。另外姬松茸冬瓜，菇菌咪加埋冬瓜夏天啱哂。二人海鲜盛海鲜拼盘用料好新鲜，并唔系急冻价，每样新鲜之余，仲处理得好干净，特别钟意佢嘅大虾同扇贝，肉厚鲜甜，海鲜同茄汤夹到不得了。手切安格斯牛肥牛嘅油花均匀，无雪味。安格斯牛肉最紧要就系浓郁嘅肉味，而油脂只系帮助有一个滑身d 嘅口感。真系钟意食肉味嘅朋友一定要叫呢个。黑豚肉片黑豚肉厚薄适中，煮完嘅肉质爽脆。咬落去嘅油脂感足够，呢个好重要，因为油脂感唔够嘅豚肉会食落好干好韧。豚肉真系首选黑豚肉。菜心苗菜心苗比起食普通菜心，食落更爽口，菜嘅甜未得更特出，打边炉一律食苗都一定无走鸡！百花酿油条呢个系一个可以即食版本嘅油炸鬼酿墨鱼胶。每条都系啱啱炸起，可以直接当小食咁食。就算系放汤都好，油炸鬼都唔系淋到实哂，墨鱼胶都唔会咁易甩出嚟。