麗莎餐廳

营业中

休息中

位于佐敦嘅茶餐厅，地铁站行过去大概5分钟内，几方便。中午时间有多款套餐可以拣，包括精选炒粉面饭、丽莎特餐、还有常餐等。丽莎特餐 $55选择咗雪菜肉丝米线、香煎鸡扒同吞拿鱼脆猪，饮品就拣咗热朱古力。除咗香煎鸡扒之外，都可以选择吉列鱼柳、香煎猪扒或香酥鸡翼；至于如果唔食吞拿鱼脆猪，都可以拣蒜蓉多士，配搭几丰富。我几欣赏块鸡扒煎得香脆，而且几大块，食完真系会饱。怀旧常餐 $48供应时段为11:30至23:00，供应嘅餐点同特餐冇咩太大分别，除咗特餐多一块肉之外。朋友选择咗沙嗲牛肉面，喺餐厅推介，配搭煎双蛋同丹麦多士，嘢饮就拣咗杏仁霜。沙嗲汤底甜甜地，啲牛肉几入味，整体都几抵食。