尚鮮海鮮料理

营业中

休息中

今日约咗朋友去佐敦食嘢,佢经常帮衬尚鲜火锅海鲜料理餐厅,佢今晚就带我去试下。地址系佐敦吴松街62至64号幸福商业大厦1楼。上到餐厅空间感到好足够,望落去整洁干净坐得都几舒适。坐低首先点咗个日本八爪鱼刺身 188元,份量都好多,八爪鱼食落好鲜甜,肉质爽口弹牙,点少少芥末鲜味更加突出。花枝片 86元,花枝片好薄身,拖一拖水就食得,入口肉柔软, 鲜味十足。手切安格斯牛 209元, 牛肉脂肪分布均匀,入口牛肉味好香浓,有入口即溶嘅感觉,加上有少少油花令到牛肉味道更加香。双拼饺子 96元,有鲜虾云吞,西洋菜香菇饺。云吞入面只虾大大只,食落去好爽口。西洋菜香菇饺真系第一次食好有惊喜,西洋菜味道鲜甜爽口,用嚟做饺子估唔到系咁好味。鲜打四宝丸 86元,有牛丸,猪肉丸,虾丸,墨鱼丸。我钟意食佢个牛丸牛肉味香浓,牛丸好爽口。墨鱼滑酿冬菇 55元, 冬菇同墨鱼滑味道好夹,冬菇嘅香味令到墨鱼嘅鲜味更加突出,食落去又可以增添口感。百花酿油条 67元,油条炸到啱啱好,可以即食,入口油条香脆可口。