Potluck Eatery

放假同朋友去尖沙咀行街，发现佐敦附近有间比较隐蔽嘅cafe，一入去就觉得还有feel，每张枱都有个小蜡烛，而且环境好宁静舒适～ 牛油香煎带子鲜蚝汁意大利饭饭梗系煮得软糯，带子煎得啱啱好，仲有啲鲜蚝汁嘅香味，真系好好味。 松露野菌烤茄子意大利千层面呢个千层面更加意想唔到，佢系一个素食嚟㗎！茄子同松露味道好夹，配埋煮得恰到好处嘅面皮，真系令人惊艳。 蓝芝士汁烧烤酱鸡翼啲鸡翼肉质鲜嫩，啲汁又唔会太甜，啱晒我嘅口味。整体黎讲，呢间餐厅嘅每一款菜式都有佢独特嘅风味，令人惊喜。加上服务好周到，环境舒适，就算价钱稍微贵啲都值得一试。