Oink Square Coffee & Crêpe (已結業)

今晚过左佐敦交收，顺便买埋外卖返屋企食，原来系佐敦地铁站附近、恒丰酒店后面有间卖手工三文治同crepe嘅小店 — Oink square Coffee & Crepe！芥末蟹柳肥嘟嘟三文治（$40）招牌之一嘅三文治，果然系肥嘟嘟超多馅，馅料有芝士、蕃茄、芥末蟹柳同超多菜！食落非常清爽，夏天太热如果冇乜胃口，呢款三文治真系好啱食！每份三文治已经对半切好，用牛油纸包住方便食用，如果细食嘅朋友亦可以拣半份！日式蟹肉忌廉薯饼（$28）炸得好香脆，内馅好软好滑，食落完全唔觉得腻！伯爵茶latte（$37）原本好想试佢嘅咖啡，但过咗两点都系唔好饮咖啡，拣咗呢杯伯爵茶latte，未打开杯盖都闻到伯爵茶嘅独有香味，饮落反而觉得淡啲同比较甜。