影片
更多
2022-09-03
29 浏览
依间串烧店性价比好高，虽然店面细细地，入面得几张台，但系串烧种类非常多！而且即叫即整！落单系用QR code非常方便，有肉类，海鲜，蔬菜，小食冷盘，炸物，任君选择！首先一定要赞下个香草猪颈肉！好香炭烧味，肉质弹牙仲非常juicy，而且香草味道唔会过浓，就咁食已经好好味！亦可以配搭泰式辣汁同沙嗲酱食，非常惹味！推介大家一家要试下个猪颈肉！另外香烤羊架都非常出色！肉质好嫩口，烧完后咬落去充满油脂香味，非常juicy！而且羊臊味唔会太重，钟意食羊ge朋友一定要试下！串烧方面叫左盐烧安格斯一口牛，盐烧牛舌芯，汁烧五花腩，香草猪颈肉，焱烧自家制叉烧，盐烧鸡软骨，焱烧孜然牛肉串。串烧整体黎讲都烧得唔错，食落唔会好干，仲保留倒肉汁。值得一赞系依度ge串烧调味唔会过重，外面好多串烧店都会整到好咸或者好重孜然味，搞到盖过原本肉味。但依度ge串烧调味系刚刚好，食完都唔会好口渴。如果钟意重口味ge朋友可以点店家提供ge泰式辣汁同沙嗲酱食！海鲜方面叫左蒜蓉焗凡立贝，蒜蓉开边虎虾，椒盐烧鱿鱼须。凡立贝份量都几多！而且超重蒜，食落都几新鲜。开边虎虾劲大只！落左蒜蓉同小小调味份烧已经好好味，肉质非常弹牙！椒盐烧鱿鱼
首先一定要赞下个香草猪颈肉！好香炭烧味，肉质弹牙仲非常juicy，而且香草味道唔会过浓，就咁食已经好好味！亦可以配搭泰式辣汁同沙嗲酱食，非常惹味！推介大家一家要试下个猪颈肉！
另外香烤羊架都非常出色！肉质好嫩口，烧完后咬落去充满油脂香味，非常juicy！而且羊臊味唔会太重，钟意食羊ge朋友一定要试下！
串烧方面叫左盐烧安格斯一口牛，盐烧牛舌芯，汁烧五花腩，香草猪颈肉，焱烧自家制叉烧，盐烧鸡软骨，焱烧孜然牛肉串。串烧整体黎讲都烧得唔错，食落唔会好干，仲保留倒肉汁。值得一赞系依度ge串烧调味唔会过重，外面好多串烧店都会整到好咸或者好重孜然味，搞到盖过原本肉味。但依度ge串烧调味系刚刚好，食完都唔会好口渴。如果钟意重口味ge朋友可以点店家提供ge泰式辣汁同沙嗲酱食！
海鲜方面叫左蒜蓉焗凡立贝，蒜蓉开边虎虾，椒盐烧鱿鱼须。凡立贝份量都几多！而且超重蒜，食落都几新鲜。开边虎虾劲大只！落左蒜蓉同小小调味份烧已经好好味，肉质非常弹牙！椒盐烧鱿鱼须都系第一次食。鱿鱼须都厚肉食落非常爽口弹牙，而且炭烧完好香口！
蔬菜类叫左原条蒜香茄子，菲菜，翠肉瓜，露笋，蒜蓉焗娃娃菜！茄子又系要重点推介！原条茄子好巨型而且好厚肉，上面加左好多调味份同蒜蓉，烧得好透切食落软棉棉又惹味！而菲菜份量都算多，又唔会烧到干晒。翠肉瓜同露笋都保留倒原本ge水份，中和番肉类ge油腻感！娃娃菜都系劲重蒜好正！
最后系鸡泡鱼干，烧得好香口好有咬口！最啱送啤酒！
香草猪颈肉 $24
焱烧香烤羊架 $45
盐烧安格斯一口牛 $39
盐烧牛舌芯 $39
汁烧五花腩 $20
焱烧自家制叉烧 $19
盐烧鸡软骨 $17
焱烧孜然牛肉串 $19
蒜蓉焗凡立贝 $38
蒜蓉开边虎虾 $52
椒盐烧鱿鱼须 $22
原条蒜香茄子 $36
菲菜 $15
翠肉瓜 $14
露笋 $18
蒜蓉焗娃娃菜 $30
鸡泡鱼干 $30
张贴
