影片
更多
2023-11-01
284 浏览
糖水档1987 Tong Shui Dang 1987📍佐敦文汇街25号文景楼地下C号舖万圣节夜我同朋友放工后去行街，买到两样心头好，花多眼乱睇耐咗，发觉啲餐厅一系截单，一系已准备闩门。于是我哋喺google map查下附近有无餐厅或食店未闩，揾到呢间叫糖水档1987嘅小店，睇过menu都有想试嘅小食，所以就去咗食晚餐(宵夜)。店员亲切友善，安排我哋坐喺店内用餐。睇menu时先知道呢间小店好有故事，前身系一间已有30余年嘅糖水档，不过因为老板有脚患无办法继续经营，而又有一对有心情侣食客有意传承，所以前老板都毫不保留将秘方传授俾佢哋。新档主不断学习同改良食谱，不论糖水定小食都富有香港特色，而且用心经营，真系好值得支持。 💰$36XO酱炒萝卜糕 🧆我哋喺店主推介menu拣咗两款人气主食，其中一款就系XO酱炒萝卜糕，特色系即叫即炒，口感外脆内软，加入芽菜同蔬菜兜炒，香气扑鼻。佢哋用咗手工制作嘅香辣XO酱炒切成一口一件嘅萝卜糕，两者都有独特嘅香味，XO酱微辣带后劲，仲有大量虾米，味道真系唔错。果然系手工制，真系有一试爱上嘅感觉，难怪佢哋会独立卖一樽樽嘅XO酱啦！ 💰$38鸭肾菜干猪骨粥 🥣第二
📍佐敦文汇街25号文景楼地下C号舖
万圣节夜我同朋友放工后去行街，买到两样心头好，花多眼乱睇耐咗，发觉啲餐厅一系截单，一系已准备闩门。于是我哋喺google map查下附近有无餐厅或食店未闩，揾到呢间叫糖水档1987嘅小店，睇过menu都有想试嘅小食，所以就去咗食晚餐(宵夜)。
店员亲切友善，安排我哋坐喺店内用餐。睇menu时先知道呢间小店好有故事，前身系一间已有30余年嘅糖水档，不过因为老板有脚患无办法继续经营，而又有一对有心情侣食客有意传承，所以前老板都毫不保留将秘方传授俾佢哋。新档主不断学习同改良食谱，不论糖水定小食都富有香港特色，而且用心经营，真系好值得支持。
[价钱 Price]
💰$36
XO酱炒萝卜糕 🧆
我哋喺店主推介menu拣咗两款人气主食，其中一款就系XO酱炒萝卜糕，特色系即叫即炒，口感外脆内软，加入芽菜同蔬菜兜炒，香气扑鼻。佢哋用咗手工制作嘅香辣XO酱炒切成一口一件嘅萝卜糕，两者都有独特嘅香味，XO酱微辣带后劲，仲有大量虾米，味道真系唔错。果然系手工制，真系有一试爱上嘅感觉，难怪佢哋会独立卖一樽樽嘅XO酱啦！
[价钱 Price]
💰$38
鸭肾菜干猪骨粥 🥣
第二样主食系档口招牌菜，养胃健脾嘅绵滑老火粥。呢款鸭肾菜干猪骨粥传承前老板嘅秘方，十分足料，而且因为长时间熬制，熬出食材精华，所以味道份外浓郁。呢晚入面我最钟意呢个粥，除咗因为我好钟意食粥外，就系因为佢真材实料，猪骨都俾咗好几嚿，菜干亦出晒味，认真大满「粥」！
[价钱 Price]
💰$48
椰汁芒果西米炖蛋白 🥭
甜品方面，我拣咗椰汁芒果西米炖蛋白，其实我一般都唔太好中式甜品，但椰汁西米呀、炖蛋炖蛋白呢啲就合晒我心意，加埋芒果，真系非常丰富。店舖内有架还原初代糖水车仔档嘅糖水车，所有甜品都系喺㗎车仔度调制，非常有特色。甜品以炖蛋白做底，淋上大量椰汁西米，再用颜色鲜艳嘅芒果粒铺面做点缀，卖相都几靓。芒果肉带天然嘅果甜，少少酸味都无，同椰汁西米好夹。垫底嘅炖蛋白口感嫩滑，绝对唔系实定定，而且带有淡淡嘅蛋白香气，真系无得输！
[价钱 Price]
💰$39
灰姑娘 🍮
朋友话去糖水档点可以唔试啲传统糖水，所以佢拣咗冻生磨芝麻糊配炖蛋白，话要一试传统嘅芝麻糊。芝麻糊唔会过份杰身，芝麻味浓香，睇到好多细细粒嘅芝麻碎碎。朋友食完竖起拇指，话估唔到有人会谂到最芝麻糊加落炖蛋白度食，传统同新派嘅配搭令佢好满意。
张贴
