二號廚房

营业中

休息中

今日同长辈约咗喺佐敦食中式野，拣咗呢一间楼上铺食大排档小炒，上到去已经好热闹好多人，唔少人都系五六个一齐食，餐厅的确系几适合一家人或者同朋友长辈一齐食饭。酸辣莲藕丁、酸辣猫耳(云耳)一开头叫咗两款小食，两款都酸酸辣辣，一款冻一款热，非常开胃，莲藕丁好特别，爽口又好食。啫啫芥兰煲热辣辣成煲上枱，调味唔会太咸，但系十分之惹味，越食越上瘾。大虾炒莴笋鲜虾只只够晒大，都系即叫即炒几好食。椒盐鲜鱿椒盐鲜鱿系我最钟意嘅一味菜，每次食大排档必叫，呢度都整得好好食，炸皮唔会太厚，啱啱好够晒脆，鱿鱼新鲜好味道。