太陽軒飯店

营业中

休息中

今日放工约左妈咪去佐敦食饭，由于妈咪钟意食潮州野，所以就search到呢间近近地的餐厅。由于餐厅都坐满人，我们都要等一阵先可以入座。食潮州菜点可以唔叫卤水呢？今次叫左个小的卤水拼盘，入面包括了鹅肉、猪耳、蛋、五花肉、墨鱼、红肠、蛋及豆腐。除左包罗万有外，味道仲整得好入味。另外，我们都叫左一份「家乡煎蚝烙」，由于用煎的方法去烹调，所以会比炸蚝饼少油健康。另外煎蚝烙利用鸡蛋的香配合新鲜肥美的蚝仔，所以味道Double up! 呢个菜式系「太阳轩松饼」，其实系有块薄皮包住鱿鱼肉。呢个菜式好特别，而且口感有层次，我同妈咪好快就将呢碟野秒杀。建议钟意食香口野的人可以试试！呢份松饼仲可以点呢个酸酸甜甜，似梅子酱的酱汁。妈咪系到，我无得净系做食肉兽，所以叫左一碟「金华四宝蔬」。平时唔多食菜的我都大叫好味，呢份四宝蔬的菜都煮得非常入味，唔会系"烚菜上𣺉汁"。蔬菜加埋金华火腿的咸香，真系好夹。