影片
更多
2024-03-20
139 浏览
呢间位于佐敦以音乐元素做主题, 餐厅嘅椅子都系用装乐器嘅盒嚟㗎, 好有特色! 餐牌上食物选择都好多, 沙律, 酸种面包, 意粉, 汉堡包, 各式主菜, 小食, 特色饮品, 甜品等等。大部分菜式可走蛋奶芝士葱蒜, 或者加 $10 转纯素芝士, 绝对系素食, 生酮主义者, 低碳人士嘅天堂呀!我同朋友未算太肚饿, 叫了三款不同appetizer, 有发你个财财(泰式生菜包), 纯素新炸鱼柳配薯条, say hi蟹饼; 饮品要咗杯新命之王, 由柠开始; 见到啲菜名都好特别又吸引。发你个财财 - $78呢个菜名超搞笑, 原来系用咗omni pork新猪肉, 豆腐, 石榴粒, 小番茄, 三色椒🫑煮成,扮作泰国菜嘅生菜猪肉咁, 再配以新鲜生菜食; 食落咸香味, 口感都几似淋身啲嘅猪肉, 加埋其他腌料非常入味, 配上生菜一齐食, 唔太油腻, 真系好似食紧真正嘅生菜猪肉包咁, 连味道都好似呀!纯素新炸鱼柳 $68纯素新炸鱼柳配薯条 - $68薯条用大只嘅焗薯去切成薯条连皮炸成, 炸得好香脆, 加咗黑椒同盐调味, 简简单单就系最好味; 炸鱼都系素食, 食起嚟, 有真炸鱼嘅口感, 真系好似, 仲要点埋酱佢嘅
我同朋友未算太肚饿, 叫了三款不同appetizer, 有发你个财财(泰式生菜包), 纯素新炸鱼柳配薯条, say hi蟹饼; 饮品要咗杯新命之王, 由柠开始; 见到啲菜名都好特别又吸引。
发你个财财 - $78
呢个菜名超搞笑, 原来系用咗omni pork新猪肉, 豆腐, 石榴粒, 小番茄, 三色椒🫑煮成,扮作泰国菜嘅生菜猪肉咁, 再配以新鲜生菜食; 食落咸香味, 口感都几似淋身啲嘅猪肉, 加埋其他腌料非常入味, 配上生菜一齐食, 唔太油腻, 真系好似食紧真正嘅生菜猪肉包咁, 连味道都好似呀!
纯素新炸鱼柳 $68
纯素新炸鱼柳配薯条 - $68
薯条用大只嘅焗薯去切成薯条连皮炸成, 炸得好香脆, 加咗黑椒同盐调味, 简简单单就系最好味; 炸鱼都系素食, 食起嚟, 有真炸鱼嘅口感, 真系好似, 仲要点埋酱佢嘅自家制沙律松露酱, 好惹味。
say hi蟹饼 - $88
蟹饼超好食, 佢都系素食, 但佢嘅真实度有99%呀! 蟹饼好似有萝卜丝, 菇类, 加入红萝卜粒, 胡椒盐调味(真实材料老板娘冇同我讲呀, 呢个可能系商业秘密) 打烂哂整成一个饼再半煎炸, 味道好香, 超级似触肉味呀! 配埋佢嘅松露沙律酱, 真系冇得顶呀!
生命之王。特饮 - $58
老板娘推荐呢杯超健康饮品, 入面加咗沙棘, 柚子, tonic水同薄荷等制成, 饮落少酸酸甜甜, 几开胃。沙棘本身维生素C含量高, 可抵抗老化, 多补充沙棘, 能帮助我地维持年轻活力。
由柠开始 - $45
呢杯系柠檬特饮, 佢唔似冇一般柠檬咁酸, 老板娘加水调配过, 将新鲜柠檬造成特饮, 感觉好清新。
老板娘招呼殷勤有善, 服务及食物超有质素同好味道, 值得推介。
张贴
