開餐 (已結業)

系FB知道呢间良心店做埋今个月（但听闻老板会再揾新舖位重开），今日咁啱经过当然要帮衬吓啦。T003 咖哩吉列猪扒饭（$40）炸猪扒都大块，即炸，唔油腻，外层够松脆，肉亦有合适厚度；咖哩系日式，味道正常；饭底系珍珠米，仲有几条菜芯。以下午茶价钱嚟计，份量算系唔错。T007 萝卜牛腩汤米（$40）萝卜唔算甜，仲有些少涩味；牛腩味道正常，但有啲瘦嘅比较嚡；汤米系幼身滑身𠮶款，个人几钟意。T009 迷你炸虾多士并炸薯条（$36）同样即炸，虾多士的确迷你，但够香脆，里面亦有适量嘅虾胶；薯条亦都系即炸脆卜卜。