尚鮮海鮮料理

营业中

休息中

虽然呢排天气好热，但冇阻想打边炉嘅心情。今次朋友介绍嚟到佐敦呢间楼上火锅店，虽然店面唔系好大，但系坐位阔落，唔会太嘈杂，都好适合倾计。只系食食下略嫌冷气有少少唔足够，但叫返杯清凉嘅啤酒就冇问题啦呢度食物种类眼花缭乱，除咗火锅之外仲有刺身串烧。为咗打边炉而嚟咁梗系打边炉啦，我哋叫咗个药膳花雕醉鸡汤底，嚟到见到有成半只鸡，店员仲帮我地烹调，睇啱时间火候，鸡肉软滑，酒味香浓，药膳未唔会太重又带有少少鲜甜，整体balance有层次火锅料方面，叫左特尚手切安格斯牛，黑豚肉片，四色丸尚盛，鲜炸脆响铃同生菜。四色丸入面分别酿入配料，味道配起上嚟都几特别又几夹，食落有惊喜，唔错唔错！鲜炸脆响铃系必食！食得出系新鲜炸起，热辣辣，完全冇油益味，非常脆口又唔会太油腻 浸一浸汤食又得，就咁配调味盘个黑醋嚟食又得，简直一流！不得不赞店员服务态度好好，refill汤底、茶水都好快手。