影片
更多
2024-06-26
305 浏览
难得夜晚行到去佐敦附近，就谂住求其喺附近揾间餐厅试吓，见到呢间评分都好高，又咁啱唔使等位，所以决定食呢间。结果可以话出乎意料之外好食，因为好多时候食Café都觉得味道只系正正常常，但系呢间我觉得系有俾心机落去食材到，所以先特登话系性价比极高。‣ 精选二人套餐 $498· 是日餐汤佢嘅是日餐汤系南瓜忌廉汤，第一啖饮落已经觉得充满住奶香，但系你仍然会饮得到南瓜嘅甘甜味，饮落去真系觉得喉咙好舒服，香醇柔滑，两者平衡得好好。· 日式天妇罗鱿鱼佢嘅鱿鱼炸得相当香脆，而且唔会好油腻，食完唔会话觉得好拮口，同埋我谂佢嘅他他酱都帮咗唔少。比起平时嘅他他酱，我觉得佢嘅酱落柠檬汁都落得几重手，但都正正因为系咁，所以食天妇罗嘅时候先唔会觉得好油腻，我反而都几钟意咁重柠檬汁嘅他他酱。而且你会见到佢嘅炸衣有紫菜碎混合喺入面，我觉得真系够诚意。· 龙虾汁波士顿龙虾意大利饭本身我系谂住可能有啲龙虾肉碎洒喺面，点知上枱嘅时候就见到半只龙虾摆喺上面，𠮶下真系觉得呢个价钱冇得输。龙虾嘅膏好香，肉质算几弹牙。佢嘅龙虾汁我觉得都调配得好唔错，啲饭粒食落几绵密，每一啖都真系食到龙虾汁嘅鲜甜味。睇住都几大兜，但系食吓食吓都觉得几
‣ 精选二人套餐 $498
· 是日餐汤
佢嘅是日餐汤系南瓜忌廉汤，第一啖饮落已经觉得充满住奶香，但系你仍然会饮得到南瓜嘅甘甜味，饮落去真系觉得喉咙好舒服，香醇柔滑，两者平衡得好好。
· 日式天妇罗鱿鱼
佢嘅鱿鱼炸得相当香脆，而且唔会好油腻，食完唔会话觉得好拮口，同埋我谂佢嘅他他酱都帮咗唔少。比起平时嘅他他酱，我觉得佢嘅酱落柠檬汁都落得几重手，但都正正因为系咁，所以食天妇罗嘅时候先唔会觉得好油腻，我反而都几钟意咁重柠檬汁嘅他他酱。而且你会见到佢嘅炸衣有紫菜碎混合喺入面，我觉得真系够诚意。
· 龙虾汁波士顿龙虾意大利饭
本身我系谂住可能有啲龙虾肉碎洒喺面，点知上枱嘅时候就见到半只龙虾摆喺上面，𠮶下真系觉得呢个价钱冇得输。龙虾嘅膏好香，肉质算几弹牙。佢嘅龙虾汁我觉得都调配得好唔错，啲饭粒食落几绵密，每一啖都真系食到龙虾汁嘅鲜甜味。睇住都几大兜，但系食吓食吓都觉得几开胃，佢仲有一啲三色椒同蘑菇吊味。
· 炭烧澳洲肉眼牛扒
觉得惊喜个位系佢真系煎到medium，而且个牛扒本身都好香牛味，肉质软嫩，肥瘦均匀，所以我先会觉得餐厅本身有用心系挑选食材到。牛扒本身都有适量嘅盐同埋胡椒调过味，其实唔使搭配酱汁都已经好好食，同时我觉得佢嘅酱汁都唔会抢咗牛本身嘅味道。至于焗薯我都几钟意，不过蛋黄酱稍微有少少浓味，好容易有饱腹感。讲系咁讲，其实我觉得真系冇嘢好挑剔。
· 是日甜品 & 饮品
佢嘅是日甜品系芝士饼同埋朱古力雪糕，我就拣咗每样嚟一份，冇谂过佢嘅朱古力雪糕系直接一杯Mövenpick。我本身真系谂住纯粹一个普通雪糕球，呢一下真系有啲惊喜到。至于佢嘅芝士饼我觉得正常发挥，都几好食，芝士味算系轻盈，唔会话因为芝士味太过浓稠而变得甜腻。饮品我就拣咗两杯冰果茶，见到有啲菠萝粒，饮落去嘅时候唔会话好甜，都几舒服，稍微带少少苦涩嘅茶味，个人觉得都几解腻。
张贴
