拾壹麵 (已結業)

日日返工放工撘车都必经佐敦，有乜食店都试过，今日见有间新店标榜金牌猪润面，即管试下。个舖干净光猛客唔算多(新开都应该系咁)，所以坐得好c服。点了个猪润米粉$33，so炸鸡翼5只$28，介兰$11，热雪梨无花果茶$15，新开张有8折。米粉汤底奶白色，几好味，所以食完都饮番几啖，猪润应该系鲜猪润，因为咬落爽脆同埋咬开仲有少少粉红色(第一旧系咁，之后浸得耐少少𠮶d就熟晒，早知食快d)，个人觉得好好味，爽口猪润好耐未食过，猪润米粉我比满分无投诉，果然系金牌。so炸鸡翼系即炸岀来的，好热，咬开好脆皮，肉汁会流岀，唔会干争争，我好钟意食鸡翼，几乎想叫多碟，不过太饱了。介兰好食，不过介兰应该好难整得难食挂，所以唔讲啦。杯雪梨无花果茶，我真心觉得系自家煲(小店自家煲？我系咪谂多左？)，好有妈妈 feel，饮开劲甜浓缩柚子蜜开水嘅我，好想问伙记有无支装外卖。我对味精好敏感，今次食完无口渴，肯定无味精，呢点加分不少，佐敦有间咁有 heart 嘅小店，我肯定成日来帮衬。