焱燒串燒專門店 (已結業)

其实好少系佐敦食嘢，今次因为去探朋友，所以顺便系附近食埋晚餐。朋友带路揾食，知我钟意摸下酒杯底，于是去咗呢间「焱串烧」。朋友之前买过外卖试过不错，今次揾我陪佢坐低食餐饱。店子不太，门口设有一张台，半露天方便吸烟既朋友仔坐。如果怕热可以选择坐店内，店内大概有四张台。点餐系用QR code 自助落单。食物种类十分多。除了一般常见肉类（猪、牛、羊、鸡）串烧，亦有蔬菜类，仲有很多款海鲜类。餐厅亦提供有两款香辣粉供客人自助使用，一只微辣有花生《秘制香辣粉》，我就喜欢另一只《辣椒粉》较香辣，大家可以随自己喜好去试。蔬菜类点咗最爱《原条蒜香茄子》（$35），茄子肉厚，面层铺上大量香浓蒜蓉酱汁，茄子皮吾会烧㶶晒，第一次可以连皮都食埋。另外烧《韮菜》（$14）好嫩好出色，吾会烧到干晒，仍保存菜汁而且冇根吾黐牙，呢两款蔬菜推介必食。邪恶《盬烧香脆鸡皮》（$20）系吾少得，呢个就反而钟意佢够干身，脆卜卜而又吾会焦㶶晒，甘香鸡油回味。推介必食！餐厅推介《焱烧自家制叉烧串》（$18）真系值得一试，味道腌制不错，叉烧肉爽弹。点咗至爱《汁烧白鳝》（$38），肉厚肥美，烧到块皮少少干脆，而又保存肉汁，好昧价钱又合理。