金鶴拉麵 (閩街)

营业中

休息中

金鶴拉麵，聽朋友推介左好耐， 終於約成來食晚飯。餐牌簡潔，好快立定心腸， 我地點一個雞白湯拉麵和活鰻蒲燒飯。餐廳走高雅路線， 和朋友食飯傾計， 望住開放式廚房師傅準備食物， 十分有格調！食物稍等一陣送到， 先是雞白湯拉麵， 一碗面有齊炸牛蒡，黑豚肉， 溏心蛋和慢煮赤雞， 超級精緻， 雞白湯， 濃厚而不膩， 慢煮雞肉肉質細嫩， 溏心蛋味道豐富， 整體心機十足！鰻魚飯，巨型厚切鰻魚經過慢烤， 皮脆肉香，配上經過調配的醬汁，鰻魚和飯香互相配合， 越食越滋味！整體金鶴拉麵，出品質素優質， 喜歡拉麵和鰻魚飯的你一定要來！