Plato Cafe & Bistro (吳松街)

今日喺佐敦上完堂之後，想食吓啲西式嘢，見到呢一間非常之就腳，所以就決定試吓。由於同埋朋友，費事諗，所以叫一個二人套餐。見到Menu上面好特別，小食是天婦羅魷魚酥，所以叫嚟試吓，睇吓同中式平時食開嘅有乜分別。小食魷魚鬚非常之多，配上沙律醬，裏面煙韌，外面香脆。餐湯是粟米白湯，仲有蟹柳絲，非常知足料。呢度啲煮食非常之大碟，二人餐基本上夠三個女仔食，帶子意粉很香松露味，醬汁濃郁豐富。帶子入口即溶，喜歡剛剛燒香了，帶子上下兩面都是金黃色的。牛扒超級大塊，最鍾意食焗薯，仲有不少蔬菜，牛扒叫了五成熟剛剛好，配埋gravy，一啖接一啖。橙色的蕃茄仔亦都非常之甜。水果冰茶有很多水果，非常之新鮮。芝士蛋糕不會太甜，很香芝士味。