點心到 (廟街)

营业中

休息中

FD想饮炖汤，又想食虾饺，咁encore返哩间一路都有帮衬返啲餐厅啦。今日天好冻，要食热少少暖下身。哩间餐厅除了茶点，仲有饭可以叫，品种都算丰富。今日拣咗沙参玉竹炖土鸡汤，葱姜牛百叶，红油抄手，烧汁酿虎皮椒， 晶莹虾饺皇（2粒）同豉汁蒸凤爪。晶莹虾饺皇（2粒），虾饺皇大大一粒，皮薄虾新鲜，虾食落好鲜甜弹牙，一粒已经好足够。沙参玉竹炖土鸡汤，用足功夫煲啲汤，睇到真系落足料。饮落鸡味好重，药材味好温和，同鸡好夹，饮完一盅身子暖返晒。葱姜牛百叶，牛百叶系FD啲最爱，牛百叶份量算多，食落好弹牙，同埋姜葱味好重，好食。豉汁蒸凤爪哩个系每次饮茶必叫，凤爪蒸得好软糯，入口即化，凤爪嗦晒啲豉汁酱，好味。烧汁酿虎皮椒，一份有4件，虎皮椒煎得啱啱好，食落好有镬气，又唔会好辣，掂，食完2件真系好饱！红油抄手，一份有5件，抄手皮薄肉鲜，点埋辣油，一啖落去，辣油带埋抄手啲鲜甜，真系好味。最后食完茶点，再饮杯热茶，同FD吹下水，真系好享受。