龍鳳祥餃子館 (已結業)

三点三来个下午茶，经过见到一间门面干干净净的饺子店，二话不说冲入去试一试佢！两个人叫咗一碗担担面，醉猪手，麻辣猪耳，当然不少得饺子。醉猪手好大嚿，花雕酒味唔系好浓，不过够爽口。麻辣猪耳味道正常，无特别。如果有得比客人选大中小辣就更好，本人就觉得唔系好够麻辣！饺子种类大概有5款，先试稳阵的韭菜饺，有煎有煮。饺子大小适中，可以一口食哂，皮唔想簿，但胜在够多馅。同场加映员工即场包饺子，可以食得放心，因环境都算干净企理！担担面汤底浓厚，有浓郁嘅花生味同花生碎，不过唔系好够辣味。面嘅软硬度适中。我估计应该系买现成的拉面，若果依种小店系人手用面粉整面的话，我相信会更吸引，更有卖座力！