西關老祖 (文苑樓)

营业中

休息中

今日去左佐敦附近街拍，经过呢间店就比个店名吸引眼球，忍唔住要睇下究竟系卖啲咩先。呢间店主要做外卖，餐牌上嘅名都好过瘾，例如至尊颓饭，黯然销魂饭等。跟住我买左黯然销魂饭，红豆孖沙，老祖秘传瑶柱萝卜糕。呢个黯然销魂饭真系好佛心，啲叉烧又多铺满哂碗面，仲有粒蛋比你吉爆佢黎捞饭，等个饭同叉烧都可以滑啲同有蛋香。呢只叉烧食落甜甜地，肉质我用爽黎形容，每啖饭都系一口接一口，停唔到口咁制，虽然我食完未必有食神家燕姐个种感动，但系我有股想食哂佢全都要嘅冲动。红豆孖沙好岩依家天气热去饮，透心凉，而且成杯野都好足料。比个closeup大家睇，沾上蛋汁嘅叉烧叫人点忍到，哈哈。呢个萝卜糕可能好多人系用煎炸嘅方式去整，但我就用懒人方式直接成兜蒸，仲用匙羹系咁笔黎食，瑶柱丝，虾干呢啲都铺满系面，每啖都好足料，唔会好似出面某啲餐厅沟粉无料到。整体上，呢间除左位置偏少少之外，佢嘅食物令到我觉得值得过黎买。