佳佳甜品

营业中

休息中

今晚喺佐敦上完堂，想同朋友喺附近食返个甜品做宵夜。咁岩经过佳佳甜品，记得佢好似有米知莲推介，而且又唔使等位，于是就坐入去叫返个暖笠笠甜品食。不过，环境好似去咗茶楼饮茶咁，好热闹，要好大声同朋友讲嘢先听到，如果想去一个幽静嘅环境食甜品倾偈嘅话，就唔好去呢间甜品店啦。核桃露拼杏仁露（热）$24- 起初以为核桃露同杏仁露会好似太极鸳鸯咁放喺同一个碗入边，点知上枱嘅时候见到两种糖水都差唔多捞匀左一齐，有少少失望。加汤圆三粒$7- 芝麻汤圆热辣辣，芝麻馅料香味充斥整个口腔，好圆满。推介！白果薏米腐竹（热）$22- 朋友食嘅腐竹糖水入口清甜，唔错。整体我认为呢间店嘅甜品唔太值得获得米知莲嘅推介。