熊貓甜品屋 (已結業)

系佐敦食完拉面，就揾到间得意以熊猫做主题既甜品屋「熊猫甜品屋」，去到铺头门口，发现有一只人咁高既熊猫公仔，真系熊猫控至爱呀。入到铺内面，不论装饰，桌面餐具都系用上大小不同既熊猫图案，充满可爱既感觉。🐼今次我地点选了：「半熟蜂蜜流心蛋糕$58」、「小熊焦糖蜂蜜吐司伴雪糕球$48」、「小熊脆脆心太软伴朱古力雪糕$52」。🐼🍨🍞🍮🍫「半熟蜂蜜流心蛋糕$58」原来呢个流心蛋糕系每日限售，可能我地放左太耐先食，到切开进食既时候，流心既状态不见了，但食落香浓蜂蜜味道，唔会太甜，份量足够3-4人进食。🍮「小熊焦糖蜂蜜吐司伴雪糕球$48」卖相好丰富，好萌既小熊曲奇1件，烘焗既吐司有4件，有唔少既芒果同火龙果作伴碟。云呢拿味雪糕配上烘焗刚好既吐司，再沾黏奶油，食落又creamy又香脆，口感丰富。🐼🍞🍨「小熊脆脆心太软伴朱古力雪糕$52」卖相都好吸引，1块萌萌既小熊曲奇，另有1球朱古力味雪糕、朱古力脆脆，一切开心太软，暖暖既香浓朱古力即处流出，食时一啖心太软一啖雪糕，口感丰富，甜度刚刚好。🐼🍫🍮🍨「餐牌」我已经影左上载至openrice既「餐牌」入面啦，方便大家查阅相关菜式。📋