御希大排檔

营业中

休息中

想食大排档镬气小炒，梗系要去够地道嘅先至好味，放工约咗朋友仔去佐敦熟食市场「御希大排档」啤啤佢🍺眼见有唔少外国人游客都黎感受一下大排档嘅风味，露天嘅环境一边食小菜一边饮啤酒，超爽🤩脆皮吊烧鸡我地两个人嗌咗半只鸡，吊烧鸡系即叫即炸，要等上大概十零分钟，外皮脆卜卜非常香口，里面嘅鸡肉依然嫩滑有汁水，鸡胸部位亦唔干身，点上淮盐食更加滋味黑椒薯仔牛柳粒牛柳粒嘅份量非常多，肉质紧致有咬口，牛根嘅部位弹牙，配以薯仔粒、青椒同洋葱，加入黑椒汁猛火爆炒，入口充满黑椒香味，微微辣好惹味，送啤酒一流🍺通菜炒鲜鱿镬气十足👍🏻👍🏻通菜青脆碧绿，啱啱熟够爽口，鱿鱼新鲜弹牙，满满一大碟，虾酱嘅咸鲜味道令𩠌菜嘅鲜香味大大提升咸鱼鸡粒炒饭食大排档必食嘅炒饭😋够晒镬气，金黄色嘅米饭裹满鸡蛋令人垂涎三尺，上枱时已经闻到香喷喷嘅咸鱼香味🤤炒得够干身粒粒分明，我同朋友仔每人都分到两大碗📍御希大排档 (佐敦)佐敦吴松街29-39号临时熟食小贩市场地下11号舖人均消费：$200食物：⭐️⭐️⭐️⭐️⭐️环境：⭐️⭐️⭐️服务：⭐️⭐️⭐️⭐️回头率：⭐️⭐️⭐️⭐️⭐️