好包 (已結業)

佐敦无骨鸡翼包！最近见到有唔少社交媒体介绍呢间新开嘅小店，主要售卖无骨鸡翼包，小店环境比较狭窄，有一张枱企位，街外有张櫈，主要做外卖生意，鸡翼包款式得三种，仲有猪腩包同大啡菇包选择，大约等十分钟就可以攞到外卖。蜂蜜无骨鸡翼包$40- 今天需要一点甜，食物嘅味道十分切合呢个主题，蜜糖鸡翼煎得香脆可口，意大利软包口感松软烟韧，蜜糖渗入面包里面，每一口都食到淡淡嘅甜味，三只蜜糖鸡翼腌得入味，比起椒盐应该冇咁热气，平时食鸡我都会去皮，今次忍唔住食晒，可想而知呢度鸡翼有几好食，不过鸡翼包定价偏高，希望迟啲会出唔同口味吸引顾客。菊花姜蜜$10- 菊花味道比较淡，蜜糖味重啲，有淡淡的姜味，用来解渴都唔错。