Plato Cafe & Bistro (吳松街)

星期六同老公黎佐敦食晚餐，之前食过油麻地个间，今次食佐敦呢间。晚市套餐包左是日餐汤、自家制餐包、餐饮。是日餐汤系杂菜忌廉汤，忌廉汤唔会结成一块块，呢点几好，而且好够热。自家制餐包好好食，非常松软，甜甜地，好想可以无限refill，哈哈。北海道带子黑松露意大利饭意大利饭偏软身，黑椒味颇出，都几creamy，但又唔会腻。西班牙海鲜饭用铁锅呈上，海鲜有虾、鱿鱼、青口、带子，个饭有啲似食紧汤饭，几得意。伯爵茶麻糬蛋卷跟晚市套餐加$38就食到，摆盘好有心机，有圣诞既感觉，伯爵茶味颇出，麻糬又软熟。餐饮叫左热英式奶茶同热意大利即磨咖啡。