大業車仔麵

营业中

休息中

师傅喺佑民街食完一次之后, 当然要黎第二次啦, 皆因呢条街都有好多间食店, 所以要遂一试真d, 睇下边一间最抵食, 而今次师傅就拣左呢间食店!入到去呢间食店, 又估唔到呢间又系以车仔面做主打, 但依然有饭食添, 但谂左一阵师傅都系决定拣车仔面, 皆因好似几抵食咁, 于是就柯打个五𩠌面, 谂住一次过试多d, 于是拣左幼面, 猪皮, 猪肠, 牛筋腩, 牛肚同埋牛柏叶, 再加辣汁, 而且仲送杯豆浆添!话都冇咁快就有得食, 果然有效率; 第一口当然系试下汤底, 味道唔算太特别, 唔算吸引但又未至于淡口, 加左辣汁亦唔觉辣, 一般啦; 而𩠌嘅份量唔算好多, 猪皮就几细块, 不过就胜在爽口, 可以啦; 猪肠够腍亦唔算好肥, 唔错啦; 牛筋腩竟然系筋多过腩, 牛筋好腍口感唔错, 而牛腩反而系碎腩, 口感麻麻; 牛肚卖相一般, 系够腍不过唔系咁好味; 牛柏叶亦几爽口, 可以啦; 幼面反而唔好味, 唔够烟韧爽口, 口感其差, 唔得啰! 豆浆就不过不失啦!总括黎讲车仔面质素一般, 地方同服务都系普普通通, 价钱就几平廿七蚊五个𩠌仲要送杯豆浆, 都算抵食, 咁嘅价钱咁嘅水准, 可以啦; 不过师傅就未必有下次