影片
更多
2025-02-15
0 浏览
今日其实已经食咗个brunch,不过约咗人喺附近，但系又太早，忽然见到呢间望落都几okay嘅餐厅，于是决定入嚟hea吓，打发一下时间，顺便揾个厕厕。入到餐厅已经差唔多两点，入面冇乜客人，有一张枱坐咗六个人，最入面有一张坐咗一个。坐低咗，餐厅职员俾咗一张Menu我，望去啲嘢食都好似几吸引。初初以为系纯日式，睇真啲原来系fusion嚟嘅，我最初见到「汉堡」两个字，就觉得应该系啲我唔会食嘅嘢，望清楚系鸡肉整嘅，于是叫咗嚟试吓。头盘我拣咗鲜虾明太子沙律，同埋炸忌廉蟹肉饼，跟餐有杯冷泡伯爵茶，或者热红茶。其实仲可以加钱饮其他嘢，我见个餐已经成$80，所以冇再加钱叫其他饮品，最后我就要咗热红茶。个餐嚟到，卖相真系都几唔错，有杯细细奶白色嘅嘢，我估系忌廉汤，谂紧我应该好似饮面豉汤咁样成杯饮，定系用𠮶只匙羹，但系咁大只羹点样摆落呢只咁细嘅杯呢？🤔最后我选择咗成杯饮。🤣跟住食头盘，我钟意佢哋嘅明太子沙律，入边啲明太子切到四四方方，好爽口，唔会好咸。啲𧎚好新鲜，但系切得好细粒。😅个炸蟹肉饼口感同味道都几好，不过入边见唔到蟹肉，但系有蟹味嘅，外边嘅炸粉唔会好厚好韧。块鸡肉汉堡先系今餐嘅亮点，肉质、口感同啲流
坐低咗，餐厅职员俾咗一张Menu我，望去啲嘢食都好似几吸引。初初以为系纯日式，睇真啲原来系fusion嚟嘅，我最初见到「汉堡」两个字，就觉得应该系啲我唔会食嘅嘢，望清楚系鸡肉整嘅，于是叫咗嚟试吓。
头盘我拣咗鲜虾明太子沙律，同埋炸忌廉蟹肉饼，跟餐有杯冷泡伯爵茶，或者热红茶。其实仲可以加钱饮其他嘢，我见个餐已经成$80，所以冇再加钱叫其他饮品，最后我就要咗热红茶。
和风咖哩 流心芝士鸡肉汉堡(午餐主食）
$80
0 浏览
0 赞好
0 留言
个餐嚟到，卖相真系都几唔错，有杯细细奶白色嘅嘢，我估系忌廉汤，谂紧我应该好似饮面豉汤咁样成杯饮，定系用𠮶只匙羹，但系咁大只羹点样摆落呢只咁细嘅杯呢？🤔最后我选择咗成杯饮。🤣
跟住食头盘，我钟意佢哋嘅明太子沙律，入边啲明太子切到四四方方，好爽口，唔会好咸。啲𧎚好新鲜，但系切得好细粒。😅个炸蟹肉饼口感同味道都几好，不过入边见唔到蟹肉，但系有蟹味嘅，外边嘅炸粉唔会好厚好韧。块鸡肉汉堡先系今餐嘅亮点，肉质、口感同啲流心芝士都好正。
餐厅装修简单，感觉cozy,不过冇乜吸声物料，如果有一枱人大声少少讲嘢，就成间餐厅都听到。😅洗手间喺餐厅最入嘅位置，隔离好似有个储物嘅地方，呢度望落去感觉差咗啲啲。
最初以为要收加一，原来系唔收嘅！😅餐厅入面手机接收一般，不过餐厅有WiFi。值得一提：佢哋系唔收八达通嘅。
整体嚟讲，食物质素好，地方同服务okay 啦，如果你觉得$80一个午餐唔算好贵嘅，呢度都可以喺一个选择。
张贴
