SHAO (已結業)

• 4 courses dinner🍴•💵 Price:$298-最近發現左間隱世既高質小店，就係呢間位於何文田既SHAO❤️其實地段黎講佢係旺角過少少，所以都算旺中帶靜，裡面環境好舒服，好岩三五知己黎傾計食飯👭🏻野食方面嗌左兩個4 courses dinner set 就已經試到好多野😆包括有前菜既牛舌串燒同龍蝦「他他」，個牛舌真係必食既！口感爽脆彈牙，上面既柚子胡椒醬清新得黎又帶點刺激感。主菜分別有明太子意粉同鵝肝漢堡，個意粉好唔錯，每條都沾滿明太子，撈埋個流心蛋蛋漿，入口滑溜又惹味。鵝肝煎得好香，外脆內軟，個麵包都好鬆軟，配上甜酸既無花果醬剛好中和油膩感🤍再黎有楓糖叉燒同hanger steak，叉燒用上西班牙黑毛豬作慢煮，配上炸蒜片同自家製既薑蔥醬。睇相都見到個叉燒色澤幾咁靚，肥瘦適中，肉質軟腍，個醬尤其岀色，有港式燒味既影子，香氣十足但又唔會覺得油膩。牛排相比起雖然無咁岀色，不過都牛味十足，同黑蒜醬味道都幾夾。最後個甜品揀左matcha affogato，抹茶味香濃甘醇，配上雲呢拿雪糕味道甜甘交雜，不過如果大家會飲咖啡既，相信揀傳統既affogato個層次感會更明顯。