Macaroni Dessert Bar (已結業)

之前喺何文田返工都经过过呢间餐厅几次，今次收工就决定试下呢间餐厅。就坐正喺呢盏灯下面，好难唔俾佢嘅外观吸引到。原来系入面睇同出面睇，盏灯都几有分别。软壳蟹胡麻酱野菌意粉一上枱已经闻到好香嘅胡麻酱味。基本上胡麻酱已经成为咗呢度意粉嘅主调。好欣赏餐厅将野菌切成粒，同意粉一齐煮呢个做法，食落方便之余，菜式亦更加美观。 软壳蟹一切开非常厚肉，而且仲有蟹膏，非常吸引。焗柚子三文鱼柳一开头以为只系三文鱼柳加上柚子酱。但食落先发现，原来鱼肉都有阵阵嘅柚子香味。估计真系将柚子同三文鱼一齐焗先会有呢个效果。食落嘅有三文鱼鲜味，亦有淡淡嘅柚子香味。U.F.O不愧为dessert bar，最有惊喜嘅始终系dessert。原来呢只UFO就系窝夫上面加上四球雪糕同杂果，卖相精美。窝夫系出乎意料地好脆，四球雪糕分别系朱古力、绿茶、云呢拿同埋冧酒提子雪芭。焦糖海盐咖啡James Squire Apple Cider应该系我饮过最浓味嘅Apple cider，好重苹果味同酒精味，而且仲有苹果渣，值得一试。