何車車仔麵 (界限街) (已結業)

今次系太子试食左小店《何车车仔面》，舖位细，大约最多都系坐到8-10个人，咁细间舖头反而俾人感觉干净整洁。装修简单舒服，有小小文清感觉。坐底睇点𩠌纸，除左车仔面仲有饭食，但车仔面比食饭，当然车仔面既𩠌比食饭仲吸引。车仔面底有多款选择，除左河粉、米粉、米线、粗面、幼面等基本面底，佢仲有上海面、乌冬、出前一丁、捞面等。捞面仲要分蒜油捞面、黑松露捞面同埋虾子捞面，真系几多口味选择架。面底都咁多款，𩠌就更加喇。我叫左炸鱼皮、飞天牛腩、猪红、猪大肠、牛柏业、龙虾丸、竹笙同金菇。汤底我就加左咖喱微辣，咁热唔想太过热辣辣。粗面爽口，牛腩好入淋食完实唔（痴）牙，但猪红唔够滑，猪大肠同牛柏业都够晒味，正。