影片
更多
2018-04-21
231 浏览
有时世事就系咁无奈，明知山有虎，偏向虎山行，可谓今晚既写照。 平日夜晚想约班姊妹倾行程，但发现心仪既餐厅满座，惟有随便拣左间够近、轻易订到位但评价一般既工厦cafe。一到埗朋友就俾放系座位既毛公仔Frederick收服左，原来大田鼠Frederick系美国儿童绘本既主角，平时钟意训觉同旅行，无论座位定角落既小商店都有佢既踪影，隐约有少少慢活既意味。食物选择唔多，主食以锅物最吸引，另有四款饭。 小食除左串烧之外，只有炸物同沙律，一时之间大家重复睇左几次餐牌都拣唔落手。 锅物真系得个锅，严格黎讲只系一个𩠌，于是问店员有冇得加乌冬，原来全店都冇面食，只可以加白饭 ($15)。最想叫既北海道3.7牛乳皇帝蟹脚锅同明太子鸡翼原来已经停售，餐牌亦冇写明，有少少失望。特意问埋二人餐牌上系咪写紧一人价钱，店员明确地答我$498系成个餐既价钱，即系除返人均$250左右。神户野菜牛肉锅($118) 配白饭 (+$15)薄切牛肉偏硬、多肥膏，反而平时任食边炉既肥牛更嫩滑，胜在有兜芝麻酱点下。 几欣赏配料有大量绍菜，熬出清甜汤底，捞饭食好满足。 除左大路既冬菇、金针菇同豆腐外，最底仲有韩国粉丝，烟烟韧韧索哂汤
一到埗朋友就俾放系座位既毛公仔Frederick收服左，原来大田鼠Frederick系美国儿童绘本既主角，平时钟意训觉同旅行，无论座位定角落既小商店都有佢既踪影，隐约有少少慢活既意味。
食物选择唔多，主食以锅物最吸引，另有四款饭。 小食除左串烧之外，只有炸物同沙律，一时之间大家重复睇左几次餐牌都拣唔落手。 锅物真系得个锅，严格黎讲只系一个𩠌，于是问店员有冇得加乌冬，原来全店都冇面食，只可以加白饭 ($15)。
最想叫既北海道3.7牛乳皇帝蟹脚锅同明太子鸡翼原来已经停售，餐牌亦冇写明，有少少失望。
特意问埋二人餐牌上系咪写紧一人价钱，店员明确地答我$498系成个餐既价钱，即系除返人均$250左右。
神户野菜牛肉锅($118) 配白饭 (+$15)
薄切牛肉偏硬、多肥膏，反而平时任食边炉既肥牛更嫩滑，胜在有兜芝麻酱点下。 几欣赏配料有大量绍菜，熬出清甜汤底，捞饭食好满足。 除左大路既冬菇、金针菇同豆腐外，最底仲有韩国粉丝，烟烟韧韧索哂汤底精华。
神户野菜牛肉锅
$118
17 浏览
0 赞好
0 留言
牛肉锅上更有一只生鸡蛋，成个组合好有诚意，但由于要等汤底滚起再煮熟少少食材，即使唔系煮左好耐，蛋都已经全熟喇，如果鸡蛋另上，最后先加落去会更好。 整体质素近似丼丼屋既锅物。
神户野菜牛肉锅
$118
9 浏览
0 赞好
0 留言
大阪面豉豚肉豆腐锅 ($118)
整体同神户野菜牛肉锅差不多，但冇左芝麻酱感觉差好远。 锅既尺寸比想像中细，但食落都几多料饱肚。
海鲜茶渍饭
$108
28 浏览
0 赞好
0 留言
海鲜茶渍饭 ($108)
帆立贝、青口等海鲜好新鲜，另上既绿茶够热，调味主要来自饭上面既味之素，啖啖海鲜同泡饭食落喉咙好舒服。 上菜时自行淋茶都几好玩，但份量偏细。
海鲜茶渍饭
$108
23 浏览
0 赞好
0 留言
明太子蟹肉炒饭 ($118) 少辣
成个炒饭满布明太子但完全冇蟹肉，味道偏咸，只有两碗饭既份量。
明太子蟹肉炒饭
$118
9 浏览
0 赞好
0 留言
日式他他酱吉列鱿鱼 ($68)
热辣辣炸得香脆，鱿鱼够大件、弹牙厚肉，淋埋他他酱好开胃，底下仲有大量沙律菜添。 鱿鱼大约有8件，份量几足。
日式他他酱吉列鱿鱼
$68
13 浏览
0 赞好
0 留言
虽然食物味道合格，但服务质素完全会扭转客人对餐厅既观感。
落单时朋友迟迟未下定心思，之后追加左个豚肉锅，半个钟都冇动静，一问之下店员反而拎返餐牌出黎问我地叫左乜，原来漏左单。 简简单单一个锅之后又系漫长既等待，最后我地用大半个钟刚好食哂野之后，先轮到朋友上菜。
食饱饭当然想叫野饮倾下计，但无论落野饮定巡视时，店员明显见到成台野都冇打算收，反映左几次，店员讲句：「知架喇，转头会执」，之后就冇左件事。 好不容易叫到人黎做野，执左一个半个碗走就冇左人影，大家用餐后半个钟呆望住成台野、店员视而不见咁行黎行去真系好无奈。
饮品等十世、如乞食咁问店员都冇是常识吧。 终于执好台既一瞬间，我顺手叫阿姐追一追饮品，阿姐好真诚有礼咁答我：「出紧架喇！」，更指一指水吧位置，犹如饮品已放于水吧准偏出餐。 当时我有少少内疚，应该系自己心急误会左佢，点知再等15分钟都冇回音，原来店员已进化至可以态度诚恳地敷衍客人。
冻榛子牛奶朱古力 ($36)
缤纷乐味，比较细杯亦冇斟满，以呢个价钱黎讲偏贵。 不设套餐，只可以单点。
冻榛子牛奶朱古力
$36
10 浏览
0 赞好
0 留言
热榛子牛奶朱古力 ($36)
拉花几靓，份量甚至可能大过冻榛子牛奶朱古力，性价比较高。
热榛子牛奶朱古力
$36
14 浏览
0 赞好
0 留言
临收店前一个钟，神奇既事发生喇，店员开始神速收野，近乎系刚饮完最后一啖就收杯，亦来来回回以审视既眼神巡视客人。 你以为佢关心洗唔洗添茶咩？成台人杯茶饮哂最后一滴都冇再加喇。
好彩今次同成班朋友黎，大家笑语盈盈、志在有个地方坐下，气氛都算轻松。如果人数少，又想黎食下好野放松下，分分钟会食到一肚气。 近几年真系好少见识到咁样既招待，当晚入座率只有三、四成已经系呢个水平，难以想像可以点样营运落去。
张贴
