嚐囍煲仔小菜

营业中

休息中

近排睇到各路英雄讲煲仔饭，于是同靓靓老婆，重回嗜囍帮衬，等咗10 几分钟就可以入座，每位姐姐服侍态度都唔错，但系落单就求求期期，我叫咗个白鳝田鸡饭加克肠，结果系白鳝滑鸡加红肠，落单𠮶阵时佢问我另外一个凤爪排骨饭加唔加，我用好正统嘅本地话话俾佢听唔需要加，结果佢冇落个凤爪排骨饭（图未加番，不过要重新等多半个钟，喂唔紧要我仲叫点心，虾饺、牛柏叶（正）咸水角嚟到𠮶时，个呀姐话：有嘢食啦，小心热啊，但系个咸水角系冻㗎喂🤪，临走我去去洗手间，我习惯望一望𠮶厨房，竟然发现阿肥师父，无戴口罩仲担住口烟做嘢，疫情呀师父！讲返个煲仔饭，可能因为下昼，赶时间，冇乜心机整，啲饭唔够干身，饭面嘅𩠌乱咁放，唔美观，整体合格，但要做煲仔饭一哥，唔好意思，输咗少少就系输咗少少！可能名气大咗，本心就小咗，如果只𫖶商业社会⋯⋯⋯唉！净做闻名访客，咁样就不如见面啦。