緣聚 (已搬遷) 新店位置

之前睇食评好评都唔少，同几个识左廿年朋友去下午茶，二点零去坐低，清水都冇杯! 好声好气叫个女侍应麻烦拎杯水饮先啦! 佢就唔理我，我再叫多次佢又应左就算，最后都系冇拎过嚟! 之后有个男侍应帮我哋落单，睇佢个样都似系管理层，我再同佢讲好颈渴麻烦俾杯水我先，佢即刻落完单拎俾我。不过作为元朗较高格调西餐厅，坐低原来本身冇清水招呼，要出声先好唔情愿先肯俾。而且刀叉及纸餐巾都冇摆位，只见到刀叉或匙羮杂乱放在餐桌上近墙身位，好似去左工厂饭堂咁...唉!四个人叫左下午茶面餐及多士类，卖相唔错份量劲多，但味道就非常咸，呢样真系要改善一下。现场都几好坐及卫生，不过坐左一阵就话要落场，要先埋单及要离场，对于想坐多一阵倾下偈，及食渡惯咁咸，,呢道去之前一定要慎重考虑。