影片
更多
2022-08-28
730 浏览
等左好耐终于见到杏花邨嘅天仁茗茶开张，开左先发现原来喺隔离一并卖埋轻食，主打台式吐司同埋手抓饼，另外都有啲台式小食。而平时嚟嚟去去商场都系同一堆食肆，难得有新铺开张，当然要试下。今次试左个肉蛋起司台式吐司($42)，吐司即叫即整，等左一阵攞到手觉得佢嘅包装都几别致，外边用纸袋装住，而里面亦有个盒装吐司，睇落觉得都几高质感。吐司已经预切为两半，可以喺三款酱里面拣，包括蜂蜜芥末酱、日式沙律酱同埋焙煎胡麻酱。我今次拣芥末酱，食落有啲甜甜地咁，同个吐司好match。吐司里面夹左生菜、芝士、猪扒同埋半熟嘅蛋，食落口感丰富，重点系猪扒都几嫩，唔会过实。面包有经过烘底，食落脆脆地令我觉得成个配搭都好唔错，亦够饱肚。另外仲叫左个小食-甜不辣($25)，分量比想像中多，平时食开𠮶啲系一片片，而佢依度嘅系一条条，觉得食落更加有口感。而且值得一赞嘅系佢口感超烟韧有咬口，鱼浆味重好好食，下次会再点依个小食！
今次试左个肉蛋起司台式吐司($42)，吐司即叫即整，等左一阵攞到手觉得佢嘅包装都几别致，外边用纸袋装住，而里面亦有个盒装吐司，睇落觉得都几高质感。
吐司已经预切为两半，可以喺三款酱里面拣，包括蜂蜜芥末酱、日式沙律酱同埋焙煎胡麻酱。我今次拣芥末酱，食落有啲甜甜地咁，同个吐司好match。吐司里面夹左生菜、芝士、猪扒同埋半熟嘅蛋，食落口感丰富，重点系猪扒都几嫩，唔会过实。面包有经过烘底，食落脆脆地令我觉得成个配搭都好唔错，亦够饱肚。
另外仲叫左个小食-甜不辣($25)，分量比想像中多，平时食开𠮶啲系一片片，而佢依度嘅系一条条，觉得食落更加有口感。而且值得一赞嘅系佢口感超烟韧有咬口，鱼浆味重好好食，下次会再点依个小食！
张贴
