香港郵意 (已結業)

有日想系尖沙咀食下野 上左订位Apps揾左呢间主题系postcard嘅Cafe，有啲全日早餐同埋其他西式Cafe类嘅食物。呢度最低消费系一杯嘢饮，我哋三个人每人叫咗一款全日早餐，我减紧肥唔想食肠仔，所以叫咗素食嘅全日早餐，当中就冇肠仔啦，但系价钱贵过普通全日早餐$10咁多。呢度系你系出边叫完之后，攞个震震机返埋位然后等佢出餐，我哋由俾钱到攞嘢食足足等左20分钟咁多。呢度啲位全部都系坐地下，食嘢嚟讲真系好唔方便，跪喺度食比较好啲。Cushion又唔系多，我哋坐低嘅时候一早俾人攞晒，所以坐得好辛苦。食物来讲比较中规中矩，算对得住个价钱同环境。