燒烤堂 (已結業)

一般烧烤都系日本串烧多，但今日试左间多国菜烧烤，选择好多，无从下手。叫左泰国生虾，我最中二既一道前菜。虾好肥美，配上自制泰式酱，不得不提呢个酱，佢除左辣椒、蒜头之后，更加左碎芫茜，吊起虾既鲜味，而且更加香，而虾本身属于比较淋，但口感都唔错，而且啖啖肉，又新鲜。另一前菜七味鱼翅，选用魔鬼鱼，好浓鱼味，烧到少少㶶，好香口，送酒一流。啲软骨好有嚼头，点上七味粉加沙律酱，绝配。韩式牛仔骨，好大份，直情成份主菜甘，牛仔骨烧到岩岩好，锁住肉汁，所以好juicy又嫩滑，而且加入韩烧汁，甜甜地，配上生菜，青瓜，红萝卜，可以包住牛仔骨食，唔油之余，可以两种食法。盐烧鸡中翼，用左海盐吊出鸡鲜味，加上柠檬汁已经好够，几乎全部鸡类来自日本直送，而且多鸡内脏类，如果好呢味，可以一试，价钱都算超值。