蛇王熙

营业中

休息中

你系阿熙？你真系阿熙？大家唔好误会，讲紧嘅呢位阿熙系前身蛇王二老店嘅店长 - 罗长熙。呢位阿熙喺铜锣湾波斯富街开设全新嘅蛇王熙，餐厅主打蛇羹。正所谓「秋风起，三蛇肥」，所以今日我哋就嚟到蛇王熙叹吓蛇宴啦！蛇汁浸鸡拼烧腩仔饭食蛇嘅地方，好多时都会做埋烧腊饭。蛇王熙嘅烧腊都唔简单，鸡件用蛇汁浸过，索晒精华，仲有淡淡蛇嘅味道，但食起上嚟一啲都唔腥，令本身嫩滑嘅鸡肉更有层次。凉拌拍青瓜云耳讲到餐厅最受欢迎又抵食嘅就梗系超人气蛇羹套餐啦，呢个套餐嘅前菜就有凉拌拍青瓜云耳。青瓜同云耳都非常爽口，配上酸辣酱汁就更加开胃。茶树菇鲨鱼骨炖瘦肉炖汤非常足料，茶树菇系呢个汤嘅灵魂，浓郁嘅菇香，够晒养生健康。招牌花胶烩蛇羹重点当然系蛇羹啦！蛇羹足料啖啖肉，仲加埋花胶一齐煮，令蛇羹嘅汤底更胶口，充满骨胶原。其他配料仲有猪肉、鸡肉、冬菇、木耳、陈皮、薄脆、菊花同柠檬叶，令呢碗蛇羹味道非常有层次，新鲜浓郁。腊味糯米饭入秋除咗食蛇羹，仲有糯米饭。糯米饭入面有腊肠、膶肠、腊肉、花生同葱花，饭底烟韧，配料十足，口感一流。