銘陽車仔麵 (已搬遷) 新店位置

话说小弟有铺食车仔面既瘾，戈日冇食过一碗车仔面我系冇可能训得著。咁今日咁岩经过荃湾见到铭阳呢间远近驰名既车仔面咁我梗系老hi都去试下啦。点知唔试由止可，一试简直系毕生难忘，我强烈建议大家有生之年点都要试一次。一坐底，张櫈完全合乎成本效益，个老细一定系一位出色既生意人。当然作为专业既车仔面食家既我系谂都唔洗谂就叫左一碗韮菜猪红油面，食开车仔面既巴打都知道韮菜猪红油面要煮得好食绝对唔系一件容易既事。韮菜煮既时间一定要掌握得非常准确，而且要先轻轻拖一拖水再转镬用油煮先可以辟左阵草青味。至于猪红更加难整，先唔讲市面上有好多既鸡红扮猪红，而且一旦唔新鲜就会一咬即散，再者系整既过程亦都好考功夫，如果唔系出到黎就可能会冇味什至乎会腥。正所谓慢功就出细货，等左半粒钟碗面终于都黎到，第一啖食完个猪红就知系大师级，食埋个韮菜就觉得完全冇办法用言语黎形容。最后个油面我直头可以写包单你冇可能系第二度再食到！个汤底就更加唔洗讲，一食就知绝无味精。我咁大个仔都未食过一间车仔面系可以由猪红韮菜到油面同汤底都可以系完全食唔落口既！系完！全！食！唔！落！口！啊！！大佬我仲要系讲紧全日冇野过野饥饿到好似青头仔见到苟姑娘咁