XOXO Café Lab (已結業)

是日过嚟探够朋友，选址呢一间新开嘅cafe , 朋友话呢幢商场大翻身，多咗好多食物款式，其中一间吸引佢嘅就系呢间装修特别又有公主感觉嘅餐厅。接近黄昏嘅时间，我地点左杯花茶，个花茶够两份分，花味清香无限加水，我自己喜欢洛神花个种带点酸酸甜甜嘅感觉，呢杯洛神花茶十分之适合。仲要配上咁靓嘅茶杯令人赏心悦目点左个猪排骨配芝士，芝士嘅份量多到震撼，韩式风格，芝士有拉丝效果，好味，猪排骨份量够多，肉亦都很松化，食完已经饱左一半。其实已经半饱状态先记起自己叫咗个三文治，等左一阵，我终于明白点解呢个三文治要等咁耐。到底呢一个系咪一个三文治？用上厚切面包，分量丰富直情系一座山，我叫嘅系鸡扒烟猪肉三文治，𩠌菜份量多到估佢唔到，鸡扒同烟猪肉都热辣辣，配上秘制酱汁，仲有伴碟嘅辣酱都好好味。上层仲有美味嘅疏乎厘里面仲有流心嘅蛋黄，配上面包食好正！多士焗过后十分之松脆，我自己觉得佢系咸吐司，比形容佢做三文治更为适合。插支蜡烛可以当蛋糕咁吹！佢嘅形态十分之特别，但系味道都同样出色。令我惊喜嘅系配有足料嘅蔬菜。十分均衡。还有值得一提嘅系呢度嘅价格合理，食到咁饱埋单都系二百零蚊，座位舒适而且感觉真系好公主！