Dazzling Cafe (皇室堡) (已結業)

朋友拣呢间餐厅食lunch, 我真系后悔无睇下openrice comment 就去左。一入门口男侍应Stxxxen已经好串咁话我未填纸或嘟安心，未坐低食野已感受到佢态度差。我估呢位侍应可能系老板，唔忧做，我同朋友系坐左好耐都未叫食物，佢一行埋黎就话我地坐左成30分钟都未叫野食，话佢地有限时个半钟，然后超串咁话好啦我而家俾多半个钟比你地啦，听到佢咁既态度讲野，我就话你洗唔洗态度咁差一行埋嚟就话我地坐左成30分钟啫，我系想唔叫野食住，我唔需要你俾多时间我，然后佢bla bla bla， 仲大声过我，一路走开时一路讲话做好人变左做衰人。食完后有个女侍应行埋黎话我哋够钟，要走架喇，我话揾返个男侍应黎，要睇清楚佢个大名，男侍应埋到黎仲继续大声夹悪，话我地够钟，要走架喇，系咁赶我地走，其他枱客人都望住佢。呢间餐厅食物唔算好好食，价钱又唔平，5岁小朋友以上都要规定叫一杯饮品，服务态度咁差，消费仲要受气，未去过既人，谂清楚系咪想受气先好去。