你妳 (已結業)

最近又返番嚟红磡返工，又可以再次喺呢头觅食。中午时份，我同同事行咗去必嘉街𠮶边，竟然俾我发现「你妳」嚟咗红磡开分店📍。小店主打外卖生意🥡，即使系咁，但佢装修一啲都唔马虎，门口更有大大个随意门打卡位！肉松芋泥吐司($42)，呢种芋泥吐司系近嚟大热嘅新派台菜🍞，未食过之前会担心格格不入，但食完后就会爱上。吐司面包涂上牛油后拎去烘烤变得香脆；而中间夹住嘅芋泥超厚身，口感绵密，配合埋肉松一齐食，一咸一甜，味道富有层次，食落好得意🤤。自选铁路便当($55)，🍱便当可选饭或面，干拌面嘅面条感觉有啲似上海面，口感偏淋，但捞埋肉燥食都OK。干拌面配以主食同小吃，夹夹埋埋其实超丰富呢。主食我要咗三层五花焢肉🐷，猪腩肉经微微熏香，几惹味；而小吃就拣咗台式士林香肠同台南迷你虾卷，两样都系台湾地道小食，唔系度度有。另外，糖心蛋亦整得好出色🥚。A套餐：一口盐酥鸡拼花枝丸(+$20)，呢款套餐好吸引，无论鸡定花枝丸我都好钟意食🦑，而家一个价钱可以食晒两样，正啊！不过我认为炸物偏干身，可改善。B套餐：甜不辣拼地瓜薯条(+$20)，两款小食造型好相似，同样系条状🍟。如果追求甜不辣烟韧嘅口感，同店员讲三分脆即可，否则会