你妳 (已結業)

最近又唔可以出街食晚饭，唯有四周围去买外卖🥡，人肉速递红磡嘅台湾料理「你妳」💛番屋企。唔好讲笑🙈，呢间舖头非常受欢迎👏🏻，大排长龙😆，想食就记得早啲去排队啦！.📍盐酥天使大鸡扒（ $33）呢款系新菜式，鸡扒大过手掌✋，外面炸得香脆，中间鸡肉嫰滑但比较薄。. 📍手工韭菜腐皮卷（ $25/1条）同样系新菜式，腐皮包住大量韭菜同肉碎拎去炸，食落好香口，味道浓郁但就油咗啲。.📍澎湖花枝丸（$29/6粒）花枝丸弹牙有咬口，仲有一粒粒嘅花枝片，唔错。.📍夜市士林香肠便当（ $52 ）香肠份量都唔少，油香突出，食落好惹味劲好送饭🍚。加埋酸菜、木耳同卤肉做配料味道真系唔错，转眼间就食晒成兜饭。