影片
更多
2023-08-05
527 浏览
呢个星期出咗两次湾仔，两日都顺便食埋个早餐，一日食豆浆加炒面，承惠$23；另一日叫咗碗艇仔猪红粥（相片系两张，一张系嚟到时拍，另一张系我捞底将材料翻上嚟拍），承惠$26。记得上次食嘅炸两质素一般，最大问题系冻，油炸鬼唔够脆，但我认识有人唔喜欢食脆炸两，而系喜欢食腍身嘅炸两，不过我相信呢类人系少数。呢次叫嘅炒面，$15，绝对有惊喜，烟烟韧韧，即国内或台湾人所讲嘅Q弹，好好食。咁当然，同我食过最好食嘅豉油王炒面仲有距离（我食过最好食嘅系起温哥华嘅唐人区酒楼，而且已经廿几年前嘅事，间酒楼起唔起度都未知，我亦唔记得个酒楼名，想去到食返都难），但绝对系水准之上。豆浆，够冻🥶，虽然无惊喜，但水准绝对合格，$8一杯，仲起条咁旺嘅轩尼斯道，唔会畀杯稀水你，起咁热嘅天气，绝对系超正👍。猪红艇仔粥有碎牛、猪皮、水鱿、猪红、炸花生及葱花，味道一般，无咩惊喜。廿零蚊个早餐，今时今日，仲要系市区旺地堂食，绝对系抵，如果畀你拣，你又会点拣？
记得上次食嘅炸两质素一般，最大问题系冻，油炸鬼唔够脆，但我认识有人唔喜欢食脆炸两，而系喜欢食腍身嘅炸两，不过我相信呢类人系少数。
呢次叫嘅炒面，$15，绝对有惊喜，烟烟韧韧，即国内或台湾人所讲嘅Q弹，好好食。咁当然，同我食过最好食嘅豉油王炒面仲有距离（我食过最好食嘅系起温哥华嘅唐人区酒楼，而且已经廿几年前嘅事，间酒楼起唔起度都未知，我亦唔记得个酒楼名，想去到食返都难），但绝对系水准之上。
豆浆，够冻🥶，虽然无惊喜，但水准绝对合格，$8一杯，仲起条咁旺嘅轩尼斯道，唔会畀杯稀水你，起咁热嘅天气，绝对系超正👍。
猪红艇仔粥有碎牛、猪皮、水鱿、猪红、炸花生及葱花，味道一般，无咩惊喜。
廿零蚊个早餐，今时今日，仲要系市区旺地堂食，绝对系抵，如果畀你拣，你又会点拣？
炒面配豆浆
$23
63 浏览
0 赞好
0 留言
红艇
$26
47 浏览
0 赞好
0 留言
艇红
$23
37 浏览
0 赞好
0 留言
张贴
