南記粉麵 (已結業)

今日一条冷四围揾地方食晏, 忽然醒起好友食家"乜都放入窿"讲过呢间食店, 横掂从来都未食过, 所以决定一试!入到去食店, 发觉原来系自助形式, 当然有点失落啦, 皆因师傅出名懒人, 要自己攞野食, 真系有少少唔惯; 行到埋去柯打左一碗招牌米, 招牌米有两粒鱼蛋, 两粒牛丸同埋两条春卷, 再加多杯冻柠茶!先试下个汤底, 汤底好清好好味, 唔觉有味精, 可以啦; 鱼蛋唔够爽口, 口感一般, 唔多讨好; 牛丸就几香同几松, 十分爽口, 几得; 春卷体型都几粗壮, 春卷系用腐皮包著, 咬落爽口, 味道唔错, 口感一流, 真系几好味! 而米粉就冇咩特别, 都可以啦! 值得一赞系呢度d冬菜, 成樽放喺枱面任你落, 不过冬菜就咸左少少; 至于冻柠茶就唔算环保, 用胶杯, 但柠茶就几冻同几有茶味, 得㖞!总括黎讲食物质素几好, 特别系春卷, 尤其一绝, 好友食家"乜都放入窿"真系冇介绍错㖞; 环境都清洁干净, 服务麻麻喇, 话说师傅喺比飞前已经讲左走葱, 但个伙计理都唔理, 照落, 真系你有你讲, 佢有佢做, 吹涨, 有相为证架; 而价钱唔贵, 招牌面都系十六蚊一碗, 而冻饮加九蚊, 可以啦! 下次